cikopi meureun....

Kopi???

Dina hiji peuting... di imah nu aya eusian (nya he eh matak dicaritakeun oge heuheu)
Wanci dimana jelema nu di imah keur tibra-tibrana... nya kinten-kinten tabuh hiji wengi lah....
Tiba2...
Aya nu gegedor (lain keketrok deui) panto....

“Punten... Punten... Kamarana Jelema teh... Punten... Punten... Paraeh kitu!”
eta jelema gegedor satarikna ngetrok panto teh...

nya daek teu daek, nu boga imah kaganggu sarena nepi ka hudangna, bari nyarita, “tamu saha ateuh wayah kieu, asa teu boga etika pisan!” “nu mabok sugan mah!”

ceuk nu boga imah: enya ke heula, ieu disarung heula... geus ngaganggu, teu sopan deuih... tamu naon ateuh wayah kiwira
(tapi eta jelema nu di luar hantem gegedor...)
nu boga imah tuluy muka panto...
nu boga imah: punten aya peryogi naon nya?
Jelema: menta cai, Anjing!
(nu boga imah kukulutus di jero hatena, “beu, teu sopan pisan menta teh... kasar,... dasar nu mabok...”) bari jeung mawakeun ci herang sagelas... da nyadar moal bener nu mabok dilawanan mah...
nu boga imah: ieu Kang!
Jelema: embung ci herang aink mah... hayang ci kopi, Anjing!
(nu boga imah kukulutus deui, “beu, bener2 mabok sugan mah jelema teh bari tuluy indit ka dapur)

barang di dapur, kabeneran kopi teh beak... tapi mun teu dibere, eta jelema bisi ngamuk...

dasar kreatip eta nu boga imah, manehna ningali batu batre urut...
“tah euweuh kopi mah, batu batre welah,, bae jang nu mabok ieu”
tuluy eta batu batre dipekprek... eusina batu batre tuluy dikocekkeun jeung cai panas na gelas...
bari ngurunyung deui nyanghareupan jelema tadi...

nu boga imah: ieu kang kopina!
(Jelema tadi langsung nginum eta kopi disakalikeun..)
jelema: nuhun, Anjing!
Nu boga imah ngomong lalaunan, “panuju jelema teh, batu batre oge disangka kopi geura... dasar nu lieur!”
Eta mah kadengeeun, jelema tadi balik deui ka imah eta bari nyarita, “paduli aink mah lain jelema, jurig Anjing!”
Bari tuluy ngaleos deui...
Eta nu boga imah reuwasna kabina-bina neupi ka ampir kapaehan...

Punten ah rada kasar nu ieu mah...
pileuleuyan jejer useup
paturay kerenyed deui
Leup... Seut... Guriwell