tartel junior

Kuya

Aya carita, sakadang kuya jeung reng-rengannana....
Hiji kuya keur boga duit...
Manehna rek ngajak babaturannana (kabehna tiluan, nu ngora, nu seudeung, jeung nu nraktir) dahar di restoran mahal... (namina ge dongeng, janten ulah protes nya heuheu)

Tiluan arindit bari jeung lalaunan (nya he eh atuh, mun gancang mah lain kuya ngaranna, jangkrik heuheuheu)

Saeunggeus sapoe, eta tilu kuya nepi ka restoran...
Tuluy maranehna mesen dahareun jeung nginuman...

Beuk weh maranehna dahar... nya setengah poe lah (apan leumpang na oge laun, jadi daharna ge disesueikeun ateuh)

Tapi, teu lila ti beres dahar, di luar hujan gede naudzubille....
Ngagebret welah pokonamah...

Eta tilu kuya nyarita,
Kuya nu nraktir: waduh, hujan gede euy,,, teu mawa payung deuih... balik kahujanan ateuh... cik maneh balik heula lah mawa payung, Deung! (kuya seudeung maksudnamah)
Kuya seudeung: embung ah, engke urang kabaseuhan... tiris deuih... bisi geuring ah urang mah... naha lain ku maneh weh mawana ateuh?
Kuya nu nraktir: is, naha kudu ku urang? Apan urang geus nraktir maraneh... piraku urang oge nu kudu mawa payung? Teu koji ah...
Kuya seudeung: tah mun kitu mah, maneh atuwh nu mawa payung ka imah jung, tik! (kuya leutik maksudnamah)
Kuya leutik: embung ah!
Kuya seudeung: naha beut embung? Kan maneh nu pang leutikna,, pangorana,,, jadi kudu daek ditutah-titah ateuh...
Kuya leutik: embung ah, bisi nginuman urang di uyup kumaraneh...
Kuya seudeung: moal ateuh...
Kuya leutik: bener moal?
Kuya seudeung: bener...
Kuya leutik: sumpah?
Kuya seudeung: sumpah...
Kuya leutik: okay urang balik,, tapi omat tong diarinum siah nya..

Tuluy, kuya nu nraktir jeung kuya seudeung ngarobrol sabari nungguan kuya leutik mawa payung ka imah...
Regot... regot... nginum bari ngarobrol....

Teu karasa eta dua kuya ngarobrol didinya nepi ka 4 poe na...
Tapi si kuya leutik can datang keneh wae...

“Naha lila-lila teuing nya si leutik teh? Tuluy sasab kitu?” ceuk kuya nu nraktir.
“teuing tah, tapi piraku sasab,, apanan geus apal jalan!” tembal kuya seudeung.
“kamana ateuhnya si leutik teh?” ceuk kuya nu nraktir.
“ah.. lila-lila teuing mah, urang inum weh tah cai si leutik teh!” tembal kuya seudeung.
“tapi kan geus janji urang2 teh ka si leutik?” ceuk kuya nu nraktir.
“da lila ateuh.. berikut cai urang geus beak,, ayeuna geus haus deui.. baelah nya?” tembal kuya seudeung.
“he eh pek weh ateuh!” ceuk kuya nu nraktir.

Barang rek di inum ku kuya seudeung,,,,,,,
Eta si leutik kaluar di kolong meja bari nyarita, “wayyo... rek di inum siah nya cai urang.... wayyo... untung urang teu balik harita,,, da urang teu percaya ka maraneh mah.... mun balik mah meureun cai urang geus di uyup ku maraneh siah!!”

Sihoreng... salama 4 poe, eta si leutik teh teu balik... kalakah nyumput di kolong meja.... heuheueheu


Punten ka pembaca, namina oge dongeng ateuh... da dongeng mah sok ngacapruk aheuheuheu....
pileuleuyan jejer useup
paturay kerenyed deui
Leup... Seut... Guriwell